DocumentosEU

Aurkezpena

Lazkaoko Beneditarren Fundazioa 2011ko udaberrian sortu zen, Lazkaoko Beneditarren, Gipuzkoako Foru Aldundiaren eta Lazkaoko Udalaren eskutik. Juan Jose Agirre monje beneditarrak zuzentzen du fundazioa, eta bi helburu nagusi ditu: azken lau hamarkadetan Agirrek euskal gaien inguruan bildutako funts dokumentalak jasotzea eta horien ardura bere gain hartzea, eta Agirrek hasitako lanari segida ematea, funts berriak jasotzen jarraituz eta horiek denak gizartearen esku jarriz.

GURE ERAKUSKETA ERRENTERIAN!

Lazkao, Beasain eta Legazpitik pasa ondoren, 80ko hamarkada Euskal Herrian: politika, gizartea, kultura erakusketa Errenterian egongo da ikusgai apirilaren 4tik 29ra Xenpelar Etxeko erakusketa aretoan (Madalen 34), astelehenetik larunbatera, 17:00etatik 20:00etara. Bertan, Lazkaoko Beneditarren Fundazioan gordetzen ditugun funtsak egongo dira ikusgai: kartelak, pegatinak, panfletoak…, eta horien bitartez 80ko hamarkadako euskal politika, gizartea eta kulturaren nondik norakoak azalduko ditugu. 

Eman zure funtsak dohaintzan!


Beren funtsak –artxiboak, bildumak, aldizkariak, mota guztietako dokumentuak…– Lazkaoko Beneditarren Fundazioari eman nahi dizkioten pertsona eta erakundeak fundazioarekin jar daitezke harremanetan, bai zuzenean, baita Euskodoken bitartez ere: Euskodok (Euskal Ondare Dokumental eta Bibliografikoa Kontserbatzeko Elkartea), Placido Kareaga Plaza 1, 7. esk., 48014 Bilbao / 665750931 / This email address is being protected from spambots. You need JavaScript enabled to view it..

Elosegi 27, 20210 Lazkao, Gipuzkoa | This email address is being protected from spambots. You need JavaScript enabled to view it. | T (+34) 943 888 781